کەشناسی: پلەی گەرما زیاتر دادەبەزێت

K24 – هەولێر

بەگوێرەی پێشبینییەکانی کەشناسی پلەی گەرما لە هەرێمی کوردستان 2 تا 4 پلەی دیکە دادەبەزێت.

بەشی پێشبینی لە بەڕێوەبەرایەتی کەشناسی و بومەلەرزەزانی هەرێمی کوردستان، پێشبینییەکانی کەشوهەوای بۆ 48 کاتژمێر بڵاوکردەوە و رایگەیاند، ئەمڕۆ پێنجشەممە 14/9/2023، ئاسمان ساماڵ و پەڵە هەور دەبێت، لەگەڵ بوونی تۆزێکی سووک لە کەشدا، پلەی گەرما بە نزیکەی 2 تـــا 4 پلە نزمتر دەبێت لە تۆمارکراوەکانی دوێنێ .

سەبارەت بە کەشوهەوا سبەی، کەشناسی پێشبینی کردووە، سبەی هەینی ئاسمان ساماڵ دەبێت، پلەی گەرما کەمێک نزمتر دەبێت بە بەراورد بە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی:

هەولێر: 37 پلەى سیلیزى

سلێمانی :36 پلەى سیلیزى

دهۆک : 35  پلەى سیلیزى

کەرکوک: 39 پلەى سیلیزى

هەڵەبجە: 38 پلەى سیلیزى

 زاخۆ: 36 پلەى سیلیزى

حاجی ئۆمەران: 23 پلەى سیلیزى

سۆران :  34  پلەى سیلیزى

گەرمیان:  40  پلەى سیلیزى