سەرۆك بارزانی پێشوازی لە سەرۆکی دەستەی حەشدی شەعبی دەكات

K24 – هەولێر:

سەرۆک بارزانی پێشوازی لە سەرۆکی دەستەی حەشدی شەعبی دەكات و تاوتوێی بارودۆخی سیاسیی عێراق و ناوچەکە و هەڕەشە ئەمنییەکانیان کرد.

رۆژی پێنجشەممە (4ـی كانوونی دووەمی 2024) لە سەلاحەددین سەرۆك مەسعود بارزانی پێشوازی لە فالح فەیاز، سەرۆکی دەستەی حەشدی شەعبی کرد.

لە دیدارەکە بیروڕا لەبارەی بارودۆخی سیاسیی عێراق و ناوچەکە و هەڕەشە ئەمنیەکان ئاڵوگۆڕ کرا و هەروەها ئیدانەی  هێرشکردن بۆ سەر هێزەکانی پێشمەرگە لە پیرمام کرا.

هەر لەو دیدارەدا پەیوەندییەکانی حکوومەتی هەرێم و حکوومەتی عێراقی فیدڕاڵ و جێبەجێکردنی بەرنامەکانی حکوومەتی فیدراڵ تاوتوێ کرا کە پێشتر ڕێککەوتنیان لەسەر کراوە.