کەشى پێشبینیکراوى ئەمڕۆ و سبەی راگەیەندرا

K24 - هەولێر

بەڕێوەبەرایەتیی گشتیی کەشناسی و بوومەلەرزەزانی کەشى پێشبینیکراوى 48 کاتژمێرى داهاتووی لە هەرێمی کوردستان راگەیاند.

ئەمڕۆ سێشەممە، 20-02-2024، بەشی پێشبینی لە بەڕێوەبەرایەتیی گشتیی کەشناسی و بوومەلەرزەزانی سەر بە وەزارەتی گواستنەوە و گەیاندن، لە راگەیەندراوێکدا کەشى پێشبینیکراوى 48 کاتژمێرى داهاتوو لە هەرێمی کوردستان راگەیاند.

بە گوێرەی راگەیەندراوەکە، کەشی ئەمڕۆ سێشەممە، "ئاسمان نیمچە هەور دەبێت و هەندی کات بۆ هەورى تەواو دەگۆڕێت لەگەڵ ئەگەرى بارینى نمە بارانى پچڕپچڕ و کەمێک هەورە تریشقە لە کاتەکانى دواى نیوەرۆ لە ناوچەى جیاجیا ". پلەکانی گەرماش، بەروارد بە تۆمارکراوەکانی دوێنێ، یەک پلە بەرزدەبێتەوە.

وەکو ئەوەی لە راگەیەندراوەکەدا هاتووە، کەشی سبەی چوارشەممە، 21-02-2024، "ئاسمان نیمچە هەور بۆ هەورى تەواو دەبێت. لەگەڵ ئەگەرى بارینى نمە بارانى پچڕپچڕ و کەمێک هەورە تریشقە لەکاتەکانى دواى نیوەڕۆ". پلەکانی گەرماش، بەروارد بە تۆمارکراوەکانی ئەمڕۆ، بەرزدەبێتەوە.

بەرزترین پلەکانی گەرمای پێشبینیکراو بە پلەی سیلیزی:

هەولێر: 18    

سلێمانی: 16

دهۆک: 17

کەرکوک: 18

هەڵەبجە: 17

زاخۆ: 17

سۆران: 13

حاجی ئۆمەران : 6

گەرمیان : 20