کەشناسی پێشبینی بارینی بەفرو باران دەکات

K24 – هەولێر

بەڕێوەبەرایەتى گشتى کەشناسی و بوومەلەرزەزانى هەرێمی کوردستان کەشى پێشبینیکراوى 48 کاتژمێرى داهاتووی بڵاوکردەوە و بەگوێرەی پێشبینییەکان، ئەمڕۆ دووشەممە (4ی ئاداری 2024) ئاسمان نیمچە هەور دەبێت و لە ناوچە شاخاوییەکاندا بۆ هەوری تەواو دەگۆڕێت.

هەروەها ئەگەری نمە باران لە هەندێ ناوچەکانی باکووری پارێزگای سلێمانی و بەفربارین لە زنجیرە شاخاکانی ناوچە سنوورییەکانی باکووری رۆژهەڵاتی هەرێمی کوردستان دەکرێت.

هەر بە گوێرەی پێشبینییەکان، ئێوارەی ئەمڕۆ خێرایى با لە ناوچەکانی گەرمیان بەراورد بە ناوچەکانی دیکە چالاکتر دەبێت و خێراییەکەی لە هەر کاتژمێرێکدا لە سەرووی 30 کیلۆمەتر دەبێت.

سەبارەت بە پێشبینییەکانی سبەی سێشەممە (5ی ئاداری 2024)، ئاسمان نیمچەهەور دەبێت و لە ناوچە شاخاوییەکاندا بۆ هەوری تەواو دەگۆڕێت، بەڵام لە دوای نیوەڕۆ ئەگەری کەمێک نمە بارانی پچڕپچڕ لەناوچە شاخاوییەکاندا هەیە .

هەروەها پلەکانی گەرما لە 48 کاتژمێری داهاتوو لەیەک نزیک دەبن و گۆڕانکارییەکی ئەوتۆیان بە سەردانایەت.

بەرزترین پلەکانی گەرمای پێشبینیکراو بە پلەی سیلیزی

  هەولێر : 16

  سلێمانی :15

   دهۆک : 16  

   زاخۆ : 17

هەڵەبجە : 15

کەرکوک : 19

 سۆران : 15

حاجی ئۆمەران : 5

گەرمیان : 21