مایکل کۆرێلا: داعش دەتوانێت لە ماوەی شەش مانگدا هێرش بکاتە سەر ئەمەریکا یان ئەوروپا
K24 - هەولێر
لە ڕاپۆرتێکدا کە کەناڵی فۆکس نیوزی ئەمەریکی بڵاوی کردووەتەوە و هۆشداریی دەدرێت، لەوەی ڕەنگە داعش لە ماوەی شەش مانگدا "بەبێ ئاگادارکردنەوەی پێشوەختە" هێرش بکاتە سەر ئەمەریکا یان ئەوروپا.
فۆکس نیوز لە ڕاپۆرتەکەیدا، کشانەوەی بایدن لە ئەفغانستان بە "شەرمەزارکەر" ناو برد، چونکە بۆشایی بۆ داعش بەجێهێشتووە تاوەکو بگەڕێنەوە و هەڕەشە لە ئەمەریکا بکەن.
ڕاپۆرتەکە باس لەوە دەکات کە نزیکەی سێ ساڵ تێپەڕیوە بەسەر ڕاگەیاندنی پلانەکانی بایدن بۆ کشانەوەی سەرجەم هێزەکانی ئەمەریکا لە ئەفغانستان بەبێ مەرج.
بەپێی ڕاپۆرتەکەی فۆکس نیوز، سەرۆکی فەرماندەیی ناوەندی ئەمەریکا، مایکل کۆرێلا، لەم دواییانەدا هۆشداریی دایە یاسادانەران کە داعش دەتوانێت لە ماوەی شەش مانگدا هێرش بکاتە سەر ئەمەریکا یان ئەوروپا بەبێ ئاگادارکردنەوە.
لە ڕاپۆرتەکەدا هاتووە، لەو کاتەوەی بایدن دەستبەکاربووە، زیاتر لە 300 کۆچبەری نایاسایی لە لیستی چاودێری تیرۆریستی FBI لە کاتی هەوڵدان بۆ بەزاندنی سنووری باشووری ئێمە دەستگیرکراون، کەمتر لە 20 دانەیان لە سەردەمی سەرۆکایەتی دۆناڵد ترەمپدا دۆزراونەتەوە، ئەمەش جیاوازییەکی سەرسوڕهێنەرە.
ئاماژەی بەوەشکرد، ڕەتکردنەوەی ئیدارەی بایدن لە وەرگرتنی ئاسایشی سنوورەکانمان بە جددی، وا دەکات زیاتر ڕووبەڕووی هێرشی تیرۆریستی ببینەوە.
دەشڵێت، بەپێچەوانەی عێراق کە دەتوانین کەشتی جەنگی لە بنکە نزیکەکانی ڕۆژهەڵاتی ناوەڕاستەوە بۆ ڕووبەڕووبوونەوەی داعش جێگیر بکەین، سەرەڕای تواناکانمان بۆ بەکارهێنانی فڕۆکەی بێفڕۆکەوان.
ڕاپۆرتەکەی فۆکس نیوز باس لەوەش دەکات، لە ماوەی سێ ساڵدا، دەوڵەتی ئیسلامی لە عێراق و سووریا (داعش) ئەو بۆشاییەی پڕکردووەتەوە کە ئەمەریکا بەجێی هێشتووە و خەلافەتێکی بە قەبارەی ئیندیانا دروستکردووە بۆ هێرشکردنە سەر ئەوروپا و ئەمەریکا.
هەروەها لە ڕاپۆرتەکەدا هاتووە، "ئێستا هێرش و پلانی هاوشێوەی داعشی خوراسان لە ئەفغانستان هەناردە دەکرێت بۆ جێبەجێکردن لە دژی ڕۆژئاوا".
بەگوێرەی ڕاپۆرتەکە، "لە مانگی ئاداردا، بەرپرسانی ئەڵمانی دوو بەرپرسی ئەفغانییان دەستگیرکردووە کە پەیوەندییان بە داعشی خوراسانەوە هەبووە، بە تۆمەتی پلاندانان بۆ هێرشکردنە سەر پەرلەمانی سوید، هەروەها بەرپرسانی نەمسا سێ کەسیان دەستگیرکرد کە پەیوەندییان بە داعشی خوراسانەوە هەبووە بە تۆمەتی پلاندانان بۆ هێرشکردنە سەر شوێنی مەسیحییەکان".
ڕاپۆرتی کەناڵە ئەمەریکییەکە دەڵێت، ئەوەی لە ئەفغانستان ڕوودەدات لە ئەفغانستان نامێنێتەوە و ئەمەش ئەو وانەیەیە کە دەبوو لە دوای هێرشەکانی 11ـی سێپتەمبەر لەگەڵ ئێمە بمێنێتەوە و دەبوو بایدن ئەوە لە پلانی نەبوونی سەرۆکەکەی پێشوویەوە بۆ بەرەنگاربوونەوەی تیرۆر لە دوای ئەوە فێربووبێت کە لە عێراق کشایەوە.
ئاماژەی بەوەشکردووە، ناتوانین متمانە بە تواناکانی تاڵیبان بکەین بۆ سنووردارکردنی داعش لە ئەفغانستان.
ڕاپۆرتەکەی فۆکس نیوز، پێی وابوو کاتێک دۆناڵد ترەمپ بوو بە سەرۆکی ئەمەریکا، بە خێرایی مامەڵەی لەگەڵ هەڕەشەکانی داعش کرد و خەلافەتەکە لە ژێر سەرکردایەتی ئەودا لەناوچوو.
ئاماژەی بەوەشکرد، بەردەوامی ڕەتکردنەوەی بایدن بۆ داننان بەو هەڵانەی کە کردوویەتی تەنها خزمەتی هاندانی تیرۆری جیهانی بووە و بەهۆی ئایدۆلۆژیای سنوورە کراوەکانییەوە، ئێستا ئێمە لە ناوخۆدا کەمتر سەلامەتین.