بایدن خەڵاتی ڕێزلێنانی بەخشییە چەند کەسایەتییەکی ئەمەریکا
K24- هەولێر
جۆو بایدن، سەرۆکی ئەمەریکا، لە میانی ڕێوڕەسمێکدا کە دۆناڵد ترەمپ، ئامادەی بوو، خەڵاتی ڕێزلێنانی ئەمەریکی بە 19 کەسایەتی بەخشی، کە کەسایەتی گەورەی پارتی دیموکراتیش تێدابوو.
مەدالیای ئازادی ساڵانە دەبەخشرێتە ئەو کەسانەی کە "بە شێوەیەکی نموونەیی بەشدارییان لە خۆشگوزەرانی، بەهاکان، یان ئاسایشی ویلایەتە یەکگرتووەکانی ئەمەریکا و ئاشتی جیهان دا کردووە."
خەڵاتی ڕێزلێنان لە ئەل گۆر (76 ساڵ)، جێگری سەرۆکی پێشوو بیڵ کلینتۆن، چالاکوانی کەشوهەوا بەخشرا. هەروەها بایدن خەڵاتی ڕێزلێنانی بەخشییە نانسی پیلۆسی 84 ساڵ، سەرۆکی پێشووی ئەنجوومەنی نوێنەران و کەسایەتییەکی سەرەکی ژیانی سیاسی ئەمەریکا. لە کاتێکدا کە لایەنگرانی ترەمپ هێرشیان دەکردە سەر بینای کاپیتول.
لای خۆیەوە پیلۆسی ڕایگەیاند، "بۆ هەمیشە سوپاسگوزارە"، جەختیشی لەوە کردەوە کە ئەم خەڵاتە" بەنرخترین بەهایە لە ئەمەریکا".
یەکێکی دیکە لە کەسایەتییە سەرەکییەکانی دیموکراتەکان کە ڕێزی لێگیرا جۆن کێرییە (تەمەن 80 ساڵ)، کە سەربازێکی دێرینی جەنگی ڤێتنام بووە، لە ژیانی سیاسی خۆیدا، لە نێوان ساڵانی 2013 و 2017 سەرکردایەتی وەزارەتی دەرەوەی ئەمەریکا کردووە. هەروەها کێری لەم دواییانەدا وەک نێردەی تایبەتی ئەمەریکا بۆ کەشوهەوا کاری کردووە.
هەروەها بایدن ڕێزی لە بازرگان مایکل بلومبێرگ 82 ساڵ گرت کە پێشتر سەرۆکی شارەوانی کۆمارییەکانی نیویۆرک بوو. هەروەها ڕێزی لە جەیمس کلایبورن، تەمەن 83 ساڵی ئەندامی پێشووی ئەنجوومەنی نوێنەرانی دیموکراتەکان گرت. لای خۆیەوە کۆشکی سپی سەبارەت بەم پیاوە بەڕەچەڵەک ئەفریقییە، کە ڕۆڵێکی یەکلاکەرەوەی هەبوو لە هاتنی بایدن بۆ کۆشکی سپی، ڕایگەیاند، "ژیانی ملیۆنان ئەمەریکی گۆڕیوە".