سەرۆكوەزیرانی سلۆڤاكیا تەقەی لێ دەكرێت و بە برینداری دەگەێنرێتە نەخۆشخانە

K24 - هەولێر:

رۆبێرت فیتسۆو سەرۆكوەزیرانی سلۆڤاكیا تەقەی لێ دەكرێت و بە برینداری دەگەێنرێتە نەخۆشخانە.

لە شارۆچكەی هاندلۆڤا لە 150 كیلۆمەتری باكووری رۆژهەڵاتی پایتەختی سلۆڤاكیا، كەسێك تەقە لە سەرۆكوەزیران رۆبێرت فیتسۆو دەكات و برینداری دەكات.

جێگری سەرۆكی پەرلەمانی سلۆڤاكیا رایگەیاند، رووداوەكە لە بۆنەیەكدا بووە لەبەردەم خانەیەكی كەلتووری، فیتسۆ هاتووە سەردانی خانە كەلتورییەكه‌ی كردووە.   

پۆلیس تەقەكەرەكەی دەستگیر كردووە و لێكۆڵینەوە دەستپێكردووە و هێشتا هۆكاری هێرشەكە و دۆخی تەندروستی سەرۆكوەزیران نەزانراوە.

رۆبێرت فیتسۆو تەمەن 50 ساڵ، لە 25ـی ئۆكتۆبەری 2023ـوه‌ پۆستی سەرۆكوەزیرانی سلۆڤاكیای وەرگرتووە.

پێشتریش لە 2006 تا 2010 و 2012 تا 2018 پۆستی سەرۆكوەزیرانی هەبووە. تێكڕا زیاتر لە 10 ساڵ لە پۆستی سەرۆكوەزیران خزمەتی كردووە. لە ساڵی 1999ـوه‌ پارتی سۆشیاڵ دیموكراتی دامەزراندووە و تا ئێستا سەرۆكی پارتەكەیە.