توركیا: دوورخستنەوە و خانەشینكردنی ئەفسەرە پلە باڵاكانی سوپا بەردەوامە

بە مەبەستی سنووردانان لەبەردەم زیادبوونی ژمارەی ئەفسەرە پلە باڵاكان، ئەنجوومەنی شوورای سەربازیی توركیا ماوەی خزمەتی سەربازی بۆ ئەفسەران،  لە 31 ساڵ بۆ 28 ساڵ كەم كردەوە و 586 ئەفسەری بە پلەی عەقید خانەنشین كرد.

لای خۆیەوە وەزارەتی بەرگریی توركیا رایگەیاند، لەو ژمارە ئەفسەرەی كە ئەنجوومەنی شوورا خانەنشینی كردوون، 470 لە ھێزەكانی وشكانی، 71 لە ھێزەكانی دەریایی و 45 لە ھێزی ئاسمانی بوون.

ھاوكات ئەنجوومەنی ناوبراو ماوەی دوو ساڵ خزمەتی بۆ 434 عەقید درێژ كردەوە، لە نێویاندا 372 لە ھێزی وشكانی، 45 لە ھێزی دەردیایی و 25 لە ھێزی ئاسمانی.

ئەوە دووەم كۆبوونەوەی ئەنجوومەنی شوورای سەربازیی ئەو وڵاتەیە دوای كودەتاكەی 15ی مانگی تەممووز، كە لە بارەگای حكومەت و بە سەرپەرشتی سەرۆكی وەزیران بەڕێوە دەچێت، لەكاتێكدا پێشتر ئەو ئەنجوومەنە ساڵانە تەنیا دوو جار و لە بارەگای سەرۆكایەتیی ئەركان كۆدەبووەوە.

ھەڵمەتەكانی دوورخستنەوە و دەركردنی فەرمانبەران لە توركیا وەزارەتی دەرەوەیشی گرتووەتەوە. لەم رووەوە مەولوود چاویش ئۆغلو، وەزیری دەرەوەی ئەو وڵاتە رایگەیاند، لێپرسینەوە لە 332 فەرمانبەر كرواە و بەشێك لەوانە لە كاركردن سڕ كراون و 89 فەرمانبەریش دەركراون و 31 فەرمانبەری دیكەش لە دەستی دادگا رایان كردووە.