گۆڕانكاری له‌ واده‌ی به‌ڕێوه‌چوونی خولی نایاب كرا

فیدراسیۆنی تۆپی پێی كوردستان ئه‌مڕۆ له‌سه‌ر ره‌زامه‌ندی زۆرینه‌ی یانه‌ به‌شداربووه‌كان سیستمی به‌ڕێوه‌چوونی وه‌رزی نوێی خولی نایابی تۆپی پێی كوردستانی به‌شێوازی دوو كۆمه‌ڵه‌ و به‌دوو قۆناخ دیاریی كرد.

له‌ كۆی 14 یانه‌ی به‌شداریی بووی ئه‌م وه‌رزه‌ی خولی نایاب‌، ته‌نیا یانه‌كانی سیروانی نوێ و زێره‌ڤانی داوایان كرد بوو كه‌ خوله‌كه‌ به‌شێوازی خول و به‌ دوو قۆناخ به‌ڕێوه‌ بچێت.

وه‌رزی 2016 ـ 2017 خولی نایاب به‌سه‌ر دوو گرووپ دابه‌ش ده‌بێت، هه‌ر گرووپێك 7 یانه‌ له‌ خۆده‌گرێت.

له‌ لایه‌كی دیكه‌یشه‌وه‌، فیدراسیۆنی تۆپی پێی كوردستان واده‌ی ده‌ستپێكی خولی نایابی له‌ 21/10 بۆ 3/11 گۆرێ و بڕیاریشه‌ ئێواره‌ی ئه‌مڕۆ له‌ كۆنفرانسی ساڵانی فیدراسیۆنه‌كه‌ تیروپشكی یانه‌كان و دابه‌شبوونیان به‌سه‌ر دوو گرووپه‌كه‌ رابگه‌یه‌ندرێت.