مەسرور بارزانی سەرەخۆشی لە کەسوکاری قوربانییانی ڕووداوەکەی ڕووچوونی زەوی لە هیندستان دەکات
سەرۆکوەزیران مەسرور بارزانی سەرەخۆشی لە کەسوکاری قوربانییانی ڕووداوەکەی ڕووچوونی زەوی لە هیندستان دەکات و پشتیوانی حکوومەتی هەرێمی کوردستانیش بۆ ئەو وڵاتە دووپات دەکاتەوە.
مەسرور بارزانی، سەرۆکی حکوومەتی هەرێمی کوردستان لە پۆستێکی تۆڕی کۆمەڵایەتیی ئێکس ڕایگەیاند: "زۆر دڵتەنگ بووم بە بیستنی هەواڵی دڵتەزێنی ڕووچوونی زەوی لە شاری وایاناد لە هیندستان. هەست و بیرم لەگەڵ قوربانییەکان و بنەماڵەکانیاندایە".
سەرۆکوەزیران ئەوەشی خستووەتە ڕوو، "حکوومەتی هەرێمی کوردستان لەم کاتە سەختەدا بە هاودەنگی لەگەڵ سەرکردایەتی و گەلی هیندستان دەوەستێتەوە".
بەرەبەیانیی سێشەممە، 30ـی تەمموزی 2024، لە ئەنجامی ڕۆچوونی زەوی لە شاری وایاناد لە هیندستان، لانیکەم، 150 کەس گیانیان سپارد و دەیان کەسی دیکەش بریندار بوون.
Deeply saddened to hear about the tragic news of the landslide in Wayanad, India. My thoughts are with the victims and their families.
— Masrour Barzani (@masrourbarzani) July 30, 2024
The KRG stands in solidarity with the leadership and people of India in this difficult time.