سبەی ڕێگەی بالیسان و شکارتە دادەخرێت

بەرێوەبەرایەتی چاککردنەوەو پاراستنی رێگاوبانی ھەولێر ڕایدەگەیەنێت: سبەی ڕێگەی بالیسان و شکارتە دادەخرێت.

سێشەممە 17ـی ئەلوولی 2024، بەرێوەبەرایەتی چاککردنەوەو پاراستنی رێگاوبانی ھەولێر ڕایگەیاند: لە بەیانیەوە ڕۆژی چوارشەممە، ڕێکەوتی 18ـی ئەیلوولی 2024،  ڕێگەی بالیسان-شکارتە دادەخرێت.

ئەو بەڕێوەبەرایەتیە دەڵێت:  بەهۆی جێبەجێ کردنی بڕگەی فەرش کردنی چینی قیڕی بایندەر کە لە لایەن بەڕێوەبەرایەتی چاککردنەوەو پاراستنی ڕێگەوبانی هەولێر و ڕاپەڕین جێبەجێ دەکرێت لە ڕێگای کۆمپانیای شارستێن، دەڵێت: ئاگاداری هاوولاتیان دەکاتەوە ئەوانەی کە بە نیازی سەفەرن،  ڕێگای جێگرەوەی زینی وەرتێ بۆ سۆران - ڕانیە و ڕێگای هیران و نازەنین،  بۆ هەولێر-ڕانیەبەکر بهێنن.