ئاسایشی هەولێر: ئەو تۆمەتبارانەی هێرشیان کردە سەر هونەرمەندێک دەستگیر کران
ئاسایشی هەولێر ڕایدەگەیەنێت، ئەو تۆمەتبارانەیان دەستگیرکردووە کە هێرشیان کردووەتە سەر هونەرمەندێک
ئاسایشی هەولێر ڕایدەگەیەنێت: دوای ئەوەی لە تۆڕەکۆمەلایەتیەکان گرتە ڤیدیۆیەك بڵاو کرایەوە کە هێرش دەکرێتە سەر هونەرمەندێک بەناوی ( بسمان الخطیب) ،دەست بەجێ لە لایەن هێزەکانمانەوە دەست بە ئەنجامدانی بە دواداچون کراو لە ماوەیەکی کەمدا بەفەرمانی بەڕێز دادوەری لێکۆڵینەوەی ئاسایشی هەولێر دوو تۆمەتبارمان بەناوەکانی (ع ، پ ،ی ) و(ع ، ع ، ح) دەستگیر کرد،کە یەکێک لەتۆمەتبارەکان لە گرتە ڤیدیۆکە دەردەکەوێت هێرش دەکاتە سەر ئەو هونەرمەندەو تۆمەتباری دووەم وێنەی دەگرێت،لە لێکۆڵێنەوە لەگەڵ تۆمەتباران دەرکەوت کێشەکە کۆمەڵایەتیە.
ئاسایشی هەولێر دەڵێت: دووپاتی دەکەینەوە هەرکەسێک کاری نایاسای ئەنجام بدات لەلایەن هێزەکانمانەوە دەستگیر دەکرێت لەهەر ئاست و پۆستێکدابێت و هیچ کەسێک لەسەروی یاساوە نیە.