له‌ جوله‌مێرگ 3 سه‌رباز كوژران

K24 – هه‌ولێر

له‌ پارێزگای جوله‌مێرگ له‌ باكووری كوردستان سێ سه‌ربازی سوپای تورك كوژران و چوار دیكه‌شی بریندار بوونه‌.

شه‌ڕ و پێكدادان له‌ نزیك گوندی "كه‌هێ" له‌ نێوان گه‌ریلاكانی په‌كه‌كه‌ و  سوپای توركیا روویدا كه‌ به‌ پێی ئه‌نجامه‌ سه‌ره‌تاییه‌كان سێ سه‌رباز كوژران و سێ دیكه‌شی برینداربوونه‌.

پێكدادان كاتژمێر 11:00 پێش نیوه‌ڕۆ به‌ دووری 25 كیلۆمه‌تری رێگه‌ی نێوان جوله‌مێرگ-چه‌لێ روویداوه‌.

والیی جوله‌مێرگ له‌ به‌یاننامه‌یه‌كدا ئاماژه‌ به‌م شه‌ڕه‌ كرد و رایگه‌یاند هێزه‌كانیان كه‌وتوونه‌ته‌‌ به‌ر هێرشێكی په‌كه‌كه‌ و له‌ ئه‌نجامدا سێ سه‌رباز كوژراون و چواری دیكه‌شی بریندار بوونه‌.