47 ئەندامی دیكەی ھەدەپە و دەبەپە دەستگیركران
K24 - ھەولێر
ئۆپەراسیۆنی دەستبەسەرکردنی ئەندامانی هەدەپە و دەبەپە لە باکووری کوردستان بەردەوامە پۆلیس ژمارەیەكی دیكەی ئەندامانی ھەدەپە و دەبەپەی دەستگیركرد.
سەر لە بەیانی ئەمڕۆ هێزە ئەمنییەکانی تورکیا 47 ئەندامی پارتی دیموکراتی گەلان (هەدەپە) و پارتی هەرێمە دیموکراتەکان (دەبەپە) لە وان و جۆلەمێرگ دەستگیر کرد.
پەیامنێری کوردستان24 رایگەیاند: "لە نێو دەستبەسەرکراوەکاندا چەندین هاوسەرۆکی هەدەپە و دەبەپە هەن".
ئۆپەراسیۆنی دەستبەسەرکردنی ئەندامانی هەدەپە و دەبەپە ماوەیەکە دەستیپێکردووە و دوێنێش 60 ئەندامی هەردوو پارتە کوردییەکە لە ئامەد دەستبەسەرکران.