بزانه‌ دوای سه‌ركه‌وتنه‌ گه‌وره‌كه‌ی ئه‌مڕۆی ئارسێناڵ چی روویدا؟

له‌ یارییه‌كانی گه‌ڕی ده‌یه‌می پرێمه‌ر لیگ، یانه‌ی ئارسێناڵ سه‌ركه‌وتنێكی گه‌وره‌ی له‌ دژی یانه‌ی سه‌نده‌رلاندی هاوشاری تۆمار كرد و یارییه‌كه‌ی له‌ 4 گۆڵ به‌رامبه‌ر تاكه‌ گۆڵێك لێ برده‌وه‌.

ئێواره‌ی ئه‌مڕۆ، 29 ئۆكتۆبه‌ری 2016، یانه‌ی ئارسێناڵ له‌ ده‌ره‌وه‌ی یاریگه‌ی خۆی رووبه‌ری سه‌نده‌رلاند بووه‌وه‌،.

له‌ خوله‌كی 19، ئه‌لێكسیس سانچێز كلیلی گۆڵه‌كانی ئارسێناڵی كردووه‌ و گێمی یه‌كه‌م به‌م تاكه‌ گۆڵه‌ كۆتایی هات.

له‌ گێمی دووه‌م و له‌ خوله‌كی 65، جێرمین دیفۆ به‌ لێدانی سزا ئه‌نجامه‌كه‌ی بۆ سه‌نده‌رلاند یه‌كسان كرده‌وه‌، خۆشییه‌كانی دیڤید مۆیسی راهێنه‌ری سه‌نده‌رلاند زۆری نه‌برد، كاتێك تۆپچییه‌كانی ئارسن ڤینگه‌ر له‌ ماوه‌ی 7 خوله‌ك 3 گۆڵیان تۆمار كرد.

له‌ خوله‌كه‌كانی 71 و 76 ئۆلیڤه‌ر جیرۆ، له‌ خوله‌كی 78 ئالێكسیس سانچێز گۆڵی دووه‌می خۆی و چواره‌می یارییه‌كه‌ی تۆمار كرد و به‌م ئه‌نجامه‌ش ئارسێناڵ به‌شێوه‌یه‌كی كاتی به‌ 23 خاڵ لوتكه‌ی پرێمه‌ر لیگی گرت.

دوای یارییه‌كه‌ ئه‌م ریكۆردانه‌ تۆمار كران:

ـ سانچێز له‌گه‌ڵ ئارسێناڵ‌ 106 یاری، 50 گۆڵ، 29 ئه‌سیست، ئه‌مه‌ش ریكۆردێكی نوێیه‌ بۆ هێرشبه‌ره‌ چیللییه‌كه‌، به‌وپێیه‌ی له‌گه‌ڵ بارسێلۆنا 141 یاری، 47 گۆڵ و 27 ئه‌سیست.

ـ ئارسێناڵ له‌ دوایین 24 یاری خۆی له‌ سه‌رجه‌م پاڵه‌وانییه‌تییه‌كان: (16 سه‌ركه‌وتن، 7 یه‌كسانبوون، 1 شكست، 57 گۆڵ، 17 گۆڵی له‌سه‌ر تۆمار كراوه‌، له‌ 14 یاری تۆڕه‌كه‌ی به‌ خاوێنی هێشتۆته‌وه‌.

ـ ئۆلیڤه‌ر جیرۆ له‌ یارییه‌كه‌ی ئه‌مڕۆ له‌ یه‌كه‌مین تۆپ كه‌ كه‌وته‌ به‌ر قاچی تۆڕی سه‌نده‌رلاندی هه‌ژاند، له‌ دووه‌مین جاریش كه‌ تۆپی بۆ هاته‌وه‌ دیسان گۆڵی كرد.

ـ ئۆلیڤه‌ر جیرۆ، هێرشبه‌ری ئارسێناڵ له‌ دژی سه‌نده‌رلاند 7 یاری، 7 گۆڵ و 2 ئه‌سیستی هه‌یه‌.