ریكۆرده‌ خراپه‌كانی مۆرینهۆ و یاریزانه‌كانی ببینه‌

له‌ گه‌ڕی ده‌یه‌می پرێمه‌ر لیگ، یانه‌ی مانچێسته‌ر یونایتد له‌ یاریگه‌ی خۆی له‌ ئۆڵد ترافۆرد رووبه‌ڕووی بێرنلی بووه‌، یارییه‌كه‌ش به‌ یه‌كسانبوون به‌بێ گۆڵ كۆتایی هات.

له‌م یارییه‌دا چه‌ندان ژماره‌ و داتای خراپ له‌ باره‌ی مۆرینهۆ و مانچێسته‌ر یونایتد تۆمار كران كه‌ پێكهاتوون له‌مانه‌ی خواره‌وه‌، دوای یارییه‌كه‌ش مۆرینهۆ به‌هۆی سزاداناكه‌ی پێشووی، به‌شداری پرێس كۆنفرانسی نه‌كرد و له‌ شوێنی ئه‌و (رۆی فاریا) وڵامی میدیاكارانی دایه‌وه‌.

ـ مۆرینهۆ له‌ دوایین 7 یاری، یه‌ك سه‌ركه‌وتنی تۆمار كردووه‌.

ـ دوایینجار كه‌ مانچێسته‌ر یونایتد له‌ پرێمه‌ر لیگ سه‌ركه‌وتنی تۆمار كرد له‌ رۆژی 24 مانگی رابردوو بوو كاتێك به‌ 4 ـ 1 لیسته‌ر سیتی برده‌وه‌.

ـ بۆ یه‌كه‌مینجاره‌ ئیبراهیمۆڤیچ له‌ دوای 2007ـه‌وه‌ كه‌ ئه‌وكات له‌ ئینته‌ر میلان بوو كه‌ له‌ 6 یاری نه‌توانێت هیچ گۆڵێك تۆمار بكات.

ـ زڵاتان دوایین 6 یاری له‌ پرێمه‌ر لیگ: 540 خوله‌ك، سفر گۆڵ و سفر ئه‌سیستی هه‌یه.

ـ ئه‌ندێر هیریرا، یاریزانی ئیسپانی یانه‌ی مانچێسته‌ر یونایتد یه‌كه‌مین كارتی سووری له‌گه‌ڵ شه‌یتانه‌ سووره‌كان له‌م یارییه‌دا وه‌رگرت.