نێچیرڤان بارزانی: كورد چاوهڕێی بهڵێنی پشتیوانییهكانی ترامپ دهكات
K24 - ههولێر:
نێچیرڤان بارزانی، سهرۆكی حكوومهتی ههرێمی كوردستان، له پهیامێكدا، كه وێنهیهكی دهست كوردستان 24 كهوتووه، پیرۆزبایی له دۆناڵد ترامپ، كاندیدی كۆمارییهكان دهكات، كه به سهرۆكی ئهمهریكا، ههڵبژێردرا.
له بهشێكی پهیامهكهی سهرۆكی حكوومهتدا هاتووه: "خەڵكی هەرێمی كوردستانیش ئاگاداری ئەوەن كە پێشتر بەڕێز ترەمپ لە كاتی هەڵمەتی هەڵبژاردنەكاندا پشتیوانیی خۆی بۆ هەرێمی کوردستان و پیشمەرگە دووپات كردبووەوە و بە پەرۆشەوە چاوەڕێی جێبەجێكردنی ئەو پشتیوانییە دەكەن".
دهقی پهیامهكهی سهرۆكی حكوومهتی ههرێمی كوردستان:
بە ناوی خۆم و حکوومەتی هەرێمی کوردستانەوە، پیرۆزبایی لە بەڕێز دۆناڵد ترەمپ دەکەم و هیوای سەركەوتنی بۆ دەخوازم. ئەم هەڵبژاردنەی سەرۆكایەتیی ئەمەریكا لە کاتێکدایە کە ئێمە سەرقاڵی ئۆپەراسیۆنێكی فراوانین لە مووسڵ و دەوروبەری بۆ بنەبڕكردنی تیرۆرستانی داعش.
خەڵكی هەرێمی كوردستانیش ئاگاداری ئەوەن كە پێشتر بەڕێز ترەمپ لە كاتی هەڵمەتی هەڵبژاردنەكاندا پشتیوانیی خۆی بۆ هەرێمی کوردستان و پیشمەرگە دووپات كردبووەوە و بە پەرۆشەوە چاوەڕێی جێبەجێكردنی ئەو پشتیوانییە دەكەن.
هاوپەیمانییەكی بەهێز لە شەڕی دژی تیرۆرستانی داعش و توندڕەوی، لە نێوان ویلایەتە یەكگرتووەكانی ئەمەریکا و هەرێمی کوردستاندا هەیە و هەرێمی كوردستان ئامادەیە بۆ هەر كار و ئەركێكی هاوبەش لەگەڵ ئەو هاوپەیمانە ئەنجامی بدات. لەمبارەیەشەوە بەپەرۆشەوە پێشوازی لە سەردانی سەرۆكی هەڵبژێردراوی ئەمەریكا بۆ هەرێمی كوردستان لە داهاتوو دا دەكەین.
نێچیرڤان بارزانی
سەرۆك وەزیرانی هەرێمی كوردستان
9-11-2016