مهسرور بارزانی: نابێت گرووپه چهكداره ناڕهسمییهكان رۆڵیان له مووسڵی دوای داعش ههبێت
K24 - ههولێر:
مهسرور بارزانی، راوێژكاری ئهنجوومهنی ئاسایشی ههرێمی كوردستان، له بارهی ئۆپهراسیۆنی كۆنتڕۆڵكردنهوهی مووسڵ، رایگهیاند، نابێت گرووپه چهكدارهكانی دهرهوهی دامهزراوه رهسمییهكانی سهربازیی عێراق رۆڵیان له ئۆپهراسیۆنهكه و قۆناخی دواتردا ههبێت.
مهسرور بارزانی، ئهمڕۆ 10ی تشرینی دووهم/ نۆڤهمبهری 2016، له میانی دیدارێكدا لهگهڵ جهنهراڵ ستیڤن تاونسێند، فهرماندهی هێزه هاوبهشهكانی شهڕی دژی به داعش، جهختی له دابینكردنی هاوكاری و پێداویستی سهربازی زیاتر بۆ هێزی پێشمهرگه كردهوه.
له كۆبوونهوهكهدا، ئاماژه به ههماههنگی نێوان هێزی پێشمهرگهی كوردستان و سوپای عێراق كرا و به هۆكاری سهرهكی پێشڕهوییه كاریگهرهكان بهرهو مووسڵ وهسفكرا.
