به‌ وێنه‌.. رێوڕه‌سمی ده‌رچووانی حه‌وته‌مین خوولی زانكۆی سۆران

K24 - سۆران:

زانكۆی سۆران، لە رێوڕەسمی حەوتەم خوولی دەرچووانی زانكۆكه‌دا، بڕوانامەی بەكالۆریۆسی بەخشییە زیاتر لە 700 قوتابی، زانكۆی سۆران لە ساڵی 2009 دامەزراوە و  ھەریەك لە فاكەڵتییەكانی یاسا، ئاداب، پەروەردە و زانست لە خۆدەگرێت و ئەم فاكەڵتییانەش چەندین بەشی جیاواز لە پێكدێن، بەدەر لە خوێندنی بەكالۆریۆس، چەندین قوتابی ماستەر و دكتۆراشی لە بوارە جیاجیاكان ھەیە.

بە گوێرەی ڕێزبەندی زانكۆكانی ھەرێمی كوردستان كە لەلایەن وەزارەتی خوێندنی باڵا و توێژینەوەی زانستی حكومەتی ھەرێمی كوردستان بۆ ساڵی 2016 راگەیەندرا، زانكۆی سۆران توانی پلەی یەكەم لەسەر ئاستی زانكۆكان بەدەستبھێنێت.