به‌ فه‌رمی كوردستان24 باشترینه‌كانی مانگی رابردووی راگه‌یاند

كوردستان24 بۆ ئه‌م وه‌رزه‌ی خولی نایابی پێشمه‌رگه‌ی كوردستان بۆ یه‌كه‌مینجار له‌ میدیای كوردی له‌ كۆتایی هه‌ر مانگێك باشترینه‌كانی خوله‌كه‌ ده‌ستنیشان ده‌كات.

باشترین راهێنه‌ر: یاسین مه‌ناف ـ راهێنه‌ری نه‌ورۆز

باشترین یاریزان: به‌هادین به‌كر ـ هێرشبه‌ری یانه‌ی نه‌ورۆز

باشترین گۆڵپارێز: دیدار حامید گۆڵپارێزی یانه‌ی هه‌ولێر

دیسكی وه‌رزشی كوردستان له‌ ده‌ستپێكی وه‌رزی ئه‌مساڵی خولی نایاب، ژوورێكی توێژینه‌وه‌ی بۆ هه‌ڵسه‌نگاندنی یاریزانه‌كانی خوله‌كه‌ پێكهێناوه‌ و له‌ نزیكیشه‌وه‌ ئاماده‌ی سه‌رجه‌م یارییه‌كانی خوله‌كه‌ ده‌بن و راوێژیش به‌ كه‌سانی په‌یوه‌ست به‌ خوله‌كه‌ ده‌كه‌ن و دواتر له‌ كۆتایی هه‌ر مانگێك پێكهاته‌ی نموونه‌یی خوله‌كه‌ به‌ فه‌رمی ئاشكرا ده‌كه‌ن.