یانه‌ی سه‌یدسادق به خه‌ونه‌كه‌ی گه‌یشت
ناسنامه‌ی یاری كۆتایی خولی پله‌دووی كوردستان ئاشكرا ده‌بێت
K24ـ سلێمانی
له قۆناخی پێشكۆتایی خولی پله‌دووی تۆپی پێی كوردستان، یانه‌ی سه‌یدسادق هاوشانی یانه‌ی كفری بلیتی گه‌یشتنی به خولی پله‌یه‌كی كوردستان بڕی.
ئێواره‌ی ئه‌مڕۆ چوارشه‌ممه، 7 كانوونی یه‌كه‌م/2016، له یاریگه‌ی (مه‌لعه‌به‌كه) له سلێمانی به ئاماده‌بوونی زیاتر له 5 هه‌زار هانده‌ر هه‌ردوو یانه‌ی دووكان و سه‌یدسادق به‌یه‌ك گه‌یشتن، یارییه‌كه‌ش به 2 گۆڵی خاوێن به‌سوودی سه‌یدسادق كۆتایی هات.
بڕیاریشه یاریی كۆتایی خولی پله‌دووی تۆپی پێی كوردستان له نێوان كفری و سه‌یدسادق به‌ڕێوه بچێت، هه‌ردوویانه‌ش وه‌رزی داهاتوو بۆ یه‌كه‌مینجار له خولی پله‌یه‌كی كوردستان یاری ده‌كه‌ن.