وێنه‌گری تایبه‌تی كۆشكی سپی جوانترین وێنه‌كانی 2016ی ئۆباما بڵاوده‌كاته‌وه‌

K24 - هه‌ولێر:

خوولی دووه‌می باراك ئۆباما، بۆ سه‌رۆكایه‌تی ویلایه‌ته‌ یه‌كگرتووه‌كانی ئه‌مه‌ریكا له‌ كۆتایی نزیكده‌بێته‌وه‌، پیتیی سوزا، وێنه‌گری تایبه‌تی كۆشكی سپی و ئۆباما، جوانترین وێنه‌كانی ساڵی 2016ی ئۆباما و ستافی كۆشكی سپی بڵاوده‌كاته‌وه‌.

له‌ نێو ئه‌و 72 وێنه‌یه‌ی ئه‌و فۆتۆگرافه‌كه‌ بڵاویكردوونه‌ته‌وه‌، ئۆباما هه‌ر جاره‌ و به‌ شێوازێكی جیاواز و به‌ جووڵه‌یه‌كی تایبه‌ته‌وه‌ به‌ دیارده‌كه‌وێت، وه‌كو یاریكردن له‌ ژووره‌ تایبه‌ته‌كه‌ی، یاریكردن له‌گه‌ڵ كۆرپه‌یه‌كی ساوا، سه‌مای باباكه‌ره‌می ئۆباما بۆ سكرتێره‌كه‌ی، به‌ناوی فریال گۆڤه‌شیری، كه‌ به‌ره‌چه‌ڵه‌ك ئێرانییه‌ و ئاهه‌نگی ماره‌بڕینه‌كه‌ی نزیكبووه‌ته‌وه‌.

ئه‌و فۆتۆگرافه‌ره‌، ماوه‌ی هه‌شت ساڵه‌ی كاركردن له‌ كۆشكی سپی و له‌گه‌ڵ باراك ئۆباما، به‌ شانازی وه‌سف ده‌كات و ده‌ڵێت: "شانازییه‌كی ژیانه‌ بۆ ئه‌وه‌ی بوومه‌ته‌ شایه‌ت له‌سه‌ر مێژوو".

سه‌رچاوه‌: ده‌یلی مه‌یل