یانه‌ی پارتێزان بلگرادی سڕبیا سزایه‌كی قورسی به‌سه‌ردا سه‌پا

فێدراسیۆنی تۆپی پێی ئه‌وڕووپا به‌فه‌رمی یانه‌ی پارتیزان به‌لگرادی سڕبی بۆ 3 وه‌رزی داهاتووی خولی ئه‌وڕوپییه‌كان بێبه‌ش ده‌كات.

ئه‌مڕۆ چوارشه‌ممه‌، 11 كانوونی دووه‌می 2017، فێدراسیۆنی تۆپی پێی ئه‌وڕووپا له‌ راگه‌یاندراوێكدا یانه‌ی پارتیزانی سڕبی بۆ 3 وه‌رزی داهاتوو سڕ له‌ له‌‌ چامپیۆنزلیگ و یۆرۆپالیگ سڕ كرد، به‌هۆی كه‌ڵه‌كه‌بوونی قه‌رزه‌كان و پێشێلكردنی یاساكانی نه‌دانه‌وه‌ی قه‌رزه‌كان كه‌ بڕه‌كه‌ی ده‌گاته‌ 25 ملیۆن یۆرۆ.

سه‌رچاوه‌یه‌ك له‌ فێدراسیۆنی ئه‌وڕووپا بۆ میدیاكانی به‌ریتانیا ئاشكرایكردووه‌ كه‌ بلگراد له ‌ماوه‌ی 5 ساڵی رابردوو، 3 جار یاساكانی پێدانه‌وه‌ی قه‌رزه‌كانی پێشێل كردووه‌ و هه‌ر به‌مهۆیه‌وه‌ ئه‌م سزایه‌ی به‌سه‌ردا سه‌پێنراوه‌.

یانه‌ی پارتیزان به‌لگراد له‌ خولی ناوخۆی سڕبیا له‌ ئێستادا به‌ جیاوازی 6 خاڵ له‌ دوای یانه‌ی رێد ستاری پێشه‌نگ ده‌بینرێت.