دوو پەرلەمانتاری دیكەی ھەدەپە دەستگیر دەكرێن
لە ماوەی ھەفتەیەكدا 6 پەرلەمانتاری ھەدەپە دەستگیركراون
K24 – ھەولێر
ھێزە ئەمنییەكانی توركیا دوو پەرلەمانتاری دیكەی پارتی دیموكراتی گەلان (ھەدەپە) دەستگیركرد.
بە گوێرەی زانیاری میدیاكانی توركیا درەنگانی شەوی رابردوو پۆلیسی توركیا بە فەرمانی داواكاری گشتی شاری ئامەد ھودا كایا پەرلەمانتاری پارتی دیموكراتی گەلان (ھەدەپە) دەستگیركردووە.
لەلایەكی دیكە لە شاری ئامەدی باكووری كوردستان پۆلیس مەرال دانش بەشتاش پەرلەمانتاری ھەدەپەی دەستگیركرد و رەوانەی دادگای ئامەدیان كرد.
ئەمە لە كاتێكدایە لە دوو رۆژی رابردوودا پۆلیسی توركیا چوار پەرلەمانتاری دیكەی ھەدەپەی دەستبەسەركران و ھەمان رۆژ ئازادكران.
