راوێژكاره‌ سه‌ربازییه‌كان مه‌شق و راهێنان به‌ پێشمه‌رگه‌ ده‌كه‌ن

K24 - هه‌ولێر:

راوێژكاره‌‌ سه‌ربازییه‌كانی ئه‌مه‌ریكا، له‌ چوارچێوه‌ی هاوپه‌یمانی نێوده‌وڵه‌تی، له‌سه‌ر راهێنانی هێزی پێشمه‌رگه‌ به‌رده‌وامن، به‌تایبه‌تیش بۆ وانەکانی ڕووبەڕووبوونەوەی بۆمبی چێندراو، ئۆپەراسیۆنی سەربازی یەکەی بچووک، ھەروەھا تاکتیکەکانی ھێرشکردن.

مه‌به‌ست له‌ راهێنانه‌كانیش، به‌رزكردنه‌وه‌ی توانستی ئه‌و هێز و یه‌كه‌ سه‌ربازییه‌ بچووكانه‌ن، كه‌ رووبه‌ڕووی داعش ده‌بنه‌وه و له‌لایه‌ن ھێزی ئەرکی ھاوبەشی – ئۆپەراسیۆنی چارەسەری بنەڕەتی، بۆ پێشخستنی توانای ئەمنیی، كه‌ سه‌ر به‌ هاوپه‌یمانی نێوده‌وڵه‌تییه‌، ه‌سرپه‌رشتی ده‌كرێت.