به‌هۆی پێكدادانی 3 ئۆتۆمبێل گه‌نجێك گیانی له‌ ده‌ستدا

K24 - هه‌ولێر:

به‌هۆی پێكدادانی سێ ئۆتۆمبێل له‌ ناوچه‌ی گه‌رمیان، كه‌سێك گیانی له‌ ده‌ستداوه‌ و 3 كه‌سی دیكه‌ش برینداربوون.

په‌یامنێری كوردستان24 له‌ گه‌رمیان، له‌ زاری به‌رپرسانی هاتووچۆی ناوچه‌كه‌وه‌ رایگه‌یاند" ئه‌مڕۆ یه‌كشه‌ممه‌ رێككه‌وتی 26/3/2017، له‌سه‌ر رێگه‌ی نێوان شاری كه‌لار و كفری، سێ ئۆتۆمبێل پێكیانداداوه‌‌ و له‌ ئه‌نجامی ئه‌و رووداوه‌دا، گه‌نجێك بەناوی "ئامانج شێرزاد" گیانی له‌ده‌ستداوه‌ و 3 كه‌سی دیكه‌ش بریندار بوون".

له‌وباره‌یه‌وه‌ ملازم پشتیوان حسێن، بەرپرسی پۆلیسی ھاتوچۆی ناحیەی سەرقەڵا له‌ سنووری ئیداره‌ی گه‌رمیان، بە کوردستان24  راگەیاند ئۆتۆمبیلەكان له‌ جۆره‌كانی، مازداو نیسان پاترۆڵ و شۆفرلێت بوون و هۆكاری سه‌ره‌كی رووداوه‌كه‌ش بە ھۆی خێرا لێخوڕینه‌وه‌ بووه‌".