ئاواره‌كان ره‌خنه‌ له‌ گۆتێرێس ده‌گرن و ئه‌ویش داوایه‌ك له‌ كۆمه‌ڵگه‌ی نێوده‌وڵه‌تی ده‌كات

K24 - هه‌ولێر:

دوای ئەوەی ئەنتۆنیۆ گۆتیرێز سكرتێری گشتی نەتەوە یەكگرتووەكان گەیشتە شاری هەولێر و لەگەڵ مەسعود بارزانی سەرۆكی ھەرێمی كوردستاندا كۆبووەوە لە دووەم ڕۆژی سەردانەکەیدا گۆتێرێز سەردانی كەمپی حەسەن شامی تایبەت بە ئاوارەكانی مووسڵی كرد و لە نزیكەوە لە رەوشیانی كۆڵییه‌وه‌.

گۆتێرێز لە گوته‌یه‌كدا بۆ رۆژنامه‌نووسان باسی لەوە كرد كە ھێشتا بەشی زۆری بەرنامەی ئەوان بۆ خزمەتی ئاواره‌كان جێبەجێنەكراوە و ئاواره‌كانیش رەخنەی ئەوەیان ھەبوو كە گۆتێرێز نەیویستووە راستی ژیان و گوزەرانی ئەوان بزانێت.

هاوكات سكرتێری نه‌ته‌وه‌یه‌كگرتووه‌كان راشیگه‌یاند: حكومه‌تی هه‌رێمی كوردستان و رێكخراوه‌كان كاری گه‌وره‌یان بۆ هاوكاری ئاواره‌ و په‌نابه‌ران كردووه‌.