وێنه‌ و ناوی قوربانییه‌كانی رووداوه‌كه‌ی نزیك به‌رده‌ڕه‌ش

K24 - هه‌ولێر:

به‌ هۆی رووداوێكی هاتووچۆ، له‌ نزیك گوندی گه‌ویلانی سنووری به‌رده‌ڕه‌ش، دایكێك و دوو منداڵ گیانییان له‌ده‌ستدا، كه‌ خه‌ڵكی تسلقۆفن و كریستیانن.

دایكه‌كه‌ ناوی لیدا گۆرگیس مه‌رقه‌سه‌ و كچه‌كانیش ناویان دیما و دیلما عیسام كه‌مییه‌ و هه‌رسێكیان به‌ هۆی رووداوه‌كه‌ گیانییان له‌ده‌ستدا، له‌ كاتی رووداوه‌كه‌ش، هه‌ریه‌ك عیسام كه‌می باوكی منداڵه‌كان و هاوسه‌ری ژنه‌كه‌، له‌گه‌ڵ سه‌رنشینێكی دیكه‌ له‌ ئۆتۆمبێله‌كه‌دا بوون.

به‌هۆی رووداوه‌كه‌ش،، باری ته‌ندرووستی باوكی منداڵه‌كان ناجێگیره‌ و تووشی خوێنبه‌ربوونی مێشك بووه‌، له‌گه‌ڵ چه‌ند شكاوییه‌ك له‌ جه‌سته‌ی و ئێستا له‌ نه‌خۆشخانه‌یه‌.