نێچيرڤان بارزانى بۆ كوردستان24 ناوهڕۆكى كۆبوونهوهكهى لهگهڵ لاڤرۆڤ دهخاتهڕوو
گوتيشى: ئێمه دهمانهوێت پهيوهندييهكى درێژخايهنمان لهگهڵ رووسيا ههبێت.
K24 – ههولێر:
سهرۆك وهزيرانى ههرێمى كوردستان نێچيرڤان بارزانى و شاندى ياوهرى كه پێكهاتبوو له قوباد تاڵهبانى جێگرى سهرۆك وهزيران و ئاشتى ههورامى وهزيرى سامانه سرووشتييهكان لهگهڵ وهزيرى دهرهوهى رووسيا سێرگى لاڤرۆڤ كۆبوونهوه.
له كۆبوونهوهكهدا، لاڤرۆڤ رايگهياند، له چوارچێوهى دهستوورى عێراقدا پهيوهندييهكانيان لهگهڵ ههرێم بههێز دهكهن و به پێويستيشى دهزانن كۆمپانيا رووسييهكان زۆرتر روو له ههرێمى كوردستان بكهن.
ههروهها گوتى: بهغدا له پهيوهندييهكانى نێوان مۆسكۆ و ههولێر ئاگاداره.
له بهرامبهريشدا نێچيرڤان بارزانى رايگهياند، له چهند رۆژى رابردوودا له رووسيا زۆر كۆبوونهوهى گرنگمان ئهنجامداوون.
گوتيشى: ئێمه دهمانهوێت پهيوهندييهكى درێژخايهنمان لهگهڵ رووسيا ههبێت.
دواى كۆبوونهوهكه، نێچيرڤان بارزانى، له لێدوانێكدا بۆ كوردستان 24 رايگهياند، ستايشى رۆڵى رووسيامان له شهڕى دژ به داعش كردووه.