پێشمەرگەیەك شەھید بوو

K24 - كەركووك

پەیامنێری كوردستان24 لە كەركووك رایگەیاند: "ئێوارەی دوێنێ، له‌ گوندی دبه‌چ له‌ میحوه‌ری خورماتوو پێشمه‌رگه‌یه‌كی فه‌وجی 1 لیوای 4 به‌رگری و فریاكه‌وتن به‌ناوی دڵشاد مسته‌فا، بە گولـلەی چەكدارانی داعش شه‌هیدكرا".

بە گوێرەی زانیارییەكانی كوردستان24، ئەو پێشمەرگەیە بە گولـلەی قەناس لەلایەن چەكدارانی داعش شەھیدكراوە، دانشتووی گوندی توتمه‌یه‌ له‌ ناحیه‌ی بالیسانی سه‌ر به‌ قه‌زای رانیەیە، دوایی شەھیدبوونی ته‌رمه‌كه‌ی بەرەو ناوچەكەیان بەڕێكرا.

ئەمە لە كاتێكدایە چەند رۆژی رابردوودا لە ھەمان میحوەری پێشمەرگەیەكی دیكە بە گولـلەی چەكدارانی داعش برینداربوو.