3 چەكداری داعش لە كەركووك دەستگیركران

K24 - كەركووك

لە چەند ھەڵمەتێكی گەڕان و پشكنین، ھێزەكانی بەڕێوەبەرایەتی پۆلیسی قەزا و ناحییەكانی كەركووك و پۆلیسی فریاكەوتنی شارەكە، سێ چەكداری داعشیان دەستگیركرد.

لە راگەیەندراوێكدا كە وێنەیەكی دەست كوردستان24 كەوتووە، بەڕێوەبەرایەتی پۆلیسی قەزا و ناحییەكانی كەركووك رایگەیاند: "لە كاتژمێر 12 شەوی رابردوو لەلایەن ھێزەكانی پۆلیسی قەزا و ناحییەكان و پۆلیسی فریاكەوتنی كەركووك 3 تیرۆرستی داواكراو دەستگیركران كە چەكداری داعش بوون".

ھەر لەو راگەیەندراوەدا ئاماژە بۆ ئەوەكراوە: "لە ھەڵمەتێكی دیكەی گەڕان و پشكنینی ھێزە ئەمنییەكانی كەركووك و ھێزەكانی پێشمەرگە، لە سنووری قەزای دووبز 15 داواكراو و گومان لێكراو دەستگیركران".