مەسرور بارزانی: دوای سەرکەوتنی دەنگی بەڵی بڕیاری سەربەخۆیی جێبەجێ دەکەین
"کوردستان دەبێتە فاکتەری سەقامگیری لە ناوچەکە"
K24 - ھەولێر
راوێژکاری ئەنجوومەنی ئاسایشی هەرێمی کوردستان دووپاتیدەکاتەوە، سەربەخۆبوونی هەرێمی کوردستان، دەبێتە هۆی سەقامگیری لە ناوچەکە.
مەسرور بارزانی، راوێژکاری ئەنجوومەنی ئاسایشی هەرێمی کوردستان لە گوتارێکدا لە رۆژنامەی واشنتن تایمز بڵاوبووەتەوە نووسیویەتی، دەبێ رێگەیەکی نوێی پەیوەندی لەگەڵ حکوومەتی عێراق دابڕێژنەوە و رێگری لە دووبارەبوونەوەی هەڵەکانی رابردوو بکەن.
مەسرور بارزانی، جەخت دەکاتەوە، ئەو فۆڕماتەی ئێستا لە عێراق هەیە لە بەرژەوەندی کورددا نییە، هەر بۆیە لە سۆنگەی هەستکردن بە بەرپرسیارێتی، بڕیار لە ئەنجامدانی ریفراندۆمی سەربەخۆیی دراوە.
راوێژکاری ئەنجوومەنی ئاسایشی هەرێمی کوردستان، دووپاتیکردەوە، دوای سەرکەوتنی دەنگی بەڵێ، راستەوخۆ بڕیارەکە جێبەجێ دەکرێت، بە هەماهەنگی لەگەڵ بەغدا.