سەركردایەتی یەكێتی دوابڕیار دەدات

بۆ تاوتوێكردنی ئەم پرسە كۆدەبنەوە

K24 - ھەولێر

ئه‌مڕۆ ئەنجوومەنی سەركردایەتی یه‌كێتی نیشتمانی كوردستان له‌سه‌ر پرسی ریفراندۆم و كاراكردنه‌وه‌ی په‌رله‌مان كۆده‌بێته‌وه‌.

دوابه‌دوای كۆبونه‌وه‌ی دوێنێی مه‌كته‌بی سیاسی یه‌كێتی بڕیاردرا كه‌ ئه‌مڕۆ ئه‌نجوومه‌نی سه‌ركردایه‌تی یه‌كێتی كۆببێته‌وه‌.

كوردستان24 زانیوویه‌تی كۆبوونه‌وه‌ی ئه‌مڕۆی ئه‌نجوومه‌نی سه‌ركردایه‌تی یه‌كێتی نیشتمانی كوردستان له‌ سلێمانی له‌سه‌ر پرسه‌كانی ریفراندۆم و كاراكردنه‌وه‌ی په‌رله‌مان یه‌كلاكه‌ره‌وه‌ ده‌بێت.

به‌گوێره‌ی ئه‌و زانیاریانه‌ی ده‌ست كوردستان24 كه‌وتووه‌ له‌ كۆبوونه‌وه‌ی ئه‌مڕۆی ئه‌نجوومه‌نی سه‌ركردایه‌تی یه‌كێتیدا، تاوتوێی پرسی كاراكردنه‌وه‌ی په‌رله‌مان له‌ 15 ئه‌م مانگه‌ به‌بێ گۆڕان و كۆمه‌ڵی ئیسلامی ده‌كات.