كۆسرەت رەسوڵ: پەرلەمان بە دەنگی گەل ھەڵبژێردراوە و پێویستە كارا بكرێتەوە

K24 - ھەولێر

كۆسرەت رەسوڵ، جێگری سكرتێری گشتی یەكێتی نیشتمانی كوردستان رایگەیاند، پەرلەمانی كوردستان بە دەنگی گەل ھەڵبژێردراوە و پێویستە كارابكرێتەوە و پرسە  نەتەوەیی ‌و نیشتمانی ‌و یاساییە گرنگەكان لەوێ‌ بڕیار‌و یاسای بۆ دەربكرێ.

بە گوێرەی میدیای فەرمی یەكێتی لە كۆبوونەوەی ئەمڕۆیدا لەگەڵ سەرۆك و ئەندامانی فراكسیۆنی سەوز لە پەرمانی كوردستان، كۆسرەت رەسوڵ رایگەیاندووە: "كوردستان بەهەلومەرجێكی هەستیارو چارەنوسازدا تێدەپەڕێت ‌‌و بۆ چارەسەركردنی كێشەكان ‌و هێنانەدی یەكێتی ریزەكانی گەلەكەمان پێویستمان بەئارامی‌ و گفتوگۆی بەرپرسیارانەیە".

راشیگەیاندووە: "پەرلەمان وەك دەزگایەكی نیشتمانی گرنگ، كە بەدەنگی گەلی كوردستان هەڵبژێردراوە، پێویستە كارابكرێتەوەو پرسە  نەتەوەیی ‌و نیشتمانی ‌و یاساییە گرنگەكان لەوێ‌ بڕیار‌و یاسای بۆ دەربكرێ".