نازم دەباغ: ئێران داوای داخستنی نوێنەرایەتی حكوومەتی ھەرێمی نەكردووە
"ئێران داوای داخستنی نوێنەرایەتی حكومەتی ھەرێمی كوردستانی لە تاران نەكردووە"
K24 - ھەولێر
نوێنەری حكومەتی هەرێمی كوردستان لەتاران رەتیدەكاتەوە، كە بەرپرسانی ئێران داوای داخستنی نوێنەرایەتی هەرێمیان كردبێت و داواشیان لێ نەكردووە بگەڕێتەوە ھەولێر.
نازم دەباغ، نوێنەری حكومەتی هەرێمی كوردستان لە تاران راگەیاند، ئێران پێداگری لەسەر روانگەی خۆی لەمەڕ ریفراندۆمی ھەرێمی كوردستان بۆ سەربەخۆیی دەكات و ئەنجامدانی پرۆسەكەی بە باش نەزانیوە.
دەباغ دوێنێ لەكاتی بەرێوەچوونی ریفراندۆمی سەربەخۆیی كوردستان ئاشكراشی كرد: "ئێران تا ئێستا هیچ كاردانەوەیەكی نەبووەو لەگەڵ چەند بەرپرسێكی ئێرانی دیدارو كۆبوونەوەم هەبووەو هیچ هەواڵێك لەمەڕ داخستنی نوێنەرایەتی حكومەتی ھەرێمی كوردستان راست نییە و ئەوان جارێ هەڵسەنگاندن بۆ ئەنجامەكانی ریفراندۆم دەكەن و چاوەڕێدەكەن".