بێرنارد ھێنری: جیھان قەرزاری كورد و پێشمەرگەیە

K24 – هه‌ولێر:

بێرنارد ھێنری لێڤی، بیرمەندی فەرەنسی، بە كوردستان24ی راگەیاند، جیھان ھەمووی قەرزاری كورد و پێشمەرگەیە و پێویستە ھەرچی زووە ئەو قەرزە بدەنەوە.

لێڤی گوتیشی: کورد لەسەر رێگەی راستە و مێژوو و ئەزموون سەلماندوویەتی کە لە کۆتاییدا راستی و دادپەروەری سەردەکەوێت.

جەختیشیكردەوە، كورد خیانەتی لێكراوە، بەڵام دۆخەكە درێژە ناكێشێت و دادپەروەری لە بەرژەوەندی كورد دایە و لە كۆتاییدا ئەو دۆخەی ئێستا بە قازانجی كورد دەشكێتەوە.