حكومەتی ھەرێم وەڵامی عەبادی دەداتەوە
"لیژنەی نەوت و گاز راسپێردراوە"
K24 - ھەولێر
دوای ئەوەی لە چەند رۆژی رابردوو، حەیدەر عەبادی، سەرۆك وەزیرانی عێراق چەند داتا و زانیاری لەبارەی نەوتی و مووچەی فەرمانبەرانی ھەرێمی كوردستان خستەڕوو، سەرۆكی حكومەتی ھەرێمی كوردستان رایگەیاند، ئەمڕۆ بە ژمارە وەڵامی عەبادی دەدەنەوە.
نێچیرڤان بارزانی، سەرۆكی حكومەتی هەرێمی کوردستان لە کۆنفرانسێکی رۆژنامەوانیدا رایگەیاند: "حەیدەر عەبادی، سەرۆکوەزیرانی عێراق لە کۆنفرانسی رۆژنامەوانی هەفتانەی خۆیدا چەند داتا و ئامارێکی لەبارەی داهاتی نەوتی هەرێمی کوردستان خستەڕوو، بەڵام داتاکانی پشتییان بەزانیاری تەواو نەبەستووە، بۆیەش لیژنەی نەوت و گازی ئەنجوومەنی وەزیرانی هەرێمی کوردستانم راسپاردووە، بۆ ئەو پرسە. ئاماژەی بەوەشدا، حکومەتی هەرێمی کوردستان بە ژمارە وەڵامی قسەکانی عەبادی دەداتەوە".