توركیا رۆژئاوای كوردستان تۆپباران دەكات

K24 - ھەولێر

سوپای توركیا چەند گوند و ناوچەیەكی سەر شاری عەفرینی رۆژئاوای كوردستان تۆپباران دەكات.

ئاژانسی ھەواڵی ھاوار بڵاویكردەوە: "تۆبخانەكانی سوپای توركیا، چەند ناوچەیەكیان لەسەر سنووری عەفرین تۆپباران كردووە و لە گوندی سیجێ كە دەكەوێتە  نێوان باکوور و رۆژئاوای کوردستان، چەند گولـلە تۆپێك بەر ماڵ و موڵکی هاووڵاتیان كەوتووە، ھەروەھا تۆپبارانەكە گوندەكانی مەروانییە و گرزیلی گرتووەتەوە و لەوێش تۆپبارانی نێو ماڵی ھاووڵاتیان كراوە"..

بەگوێرەی ھاوار: "لە لایەكی دیكە ھەریەك لە گوندەكانی ئیسکا و شادیرا، بەیلۆنیە، مالکییە و عەین دەقنەی، لەلایەن تۆپخانەكانی سوپای توركیا تۆپباران كراون و زیانی زۆریش بەر ھاووڵاتیان كەوتووە".

ئەمە لەكاتێكدایە چەند رۆژێكە توركیا بە مەبەستی ئەنجامدانی ئۆپەراسیۆن بۆ سەر عەفرین، ھێزی لەسەر سنوور كۆكردووەتەوە، پێشتریش به‌كیر بۆزداگ، گوته‌بێژی حكومه‌تی توركیا و جێگری سه‌رۆكی ئه‌نجوومه‌نی وه‌زیرانی توركیا رایگەیاندبوو: "پلانی هێرشكردنه‌ سه‌ر عه‌فرین وایه‌، كه‌ پێویسته‌ زانیارییه‌كان نهێنی بن و هیچ زانیارییه‌ك له‌باره‌ی ده‌ستپێكردن و به‌رده‌وامی و كۆتایی هاتنی ئه‌و ئۆپه‌راسیۆنه‌ ئاشكرا ناكرێت".

ھ.م