كەشناسی: بارانبارین زۆربەی ناوچەكان دەگرێتەوە
پلەی گەرمی شارەكان
K24 - ھەولێر
بە گوێرەی پێشبینیەكانی بەڕێوەبەرایەتی كەشناسی و بومەلەرزەزانی ھەرێمی كوردستان، بارانبارین دەست پێدەكاتەوە و زۆربەی ناوچەكان دەگرێتەوە.
كەشناسی پێشبینیەكانی بۆ 48 كاتژمێری داھاتوو راگەیاند و ئاشكرای دەكات، ئەمڕۆ ئاسمانی ھەرێمی كوردستان لە نێوان نیمچە ھەور و ھەوری تەواودا دەبێت.
لەبارەی كەشوھەوای سبەی، كەشناسی رایگەیاندووە، رۆژی پێنجشەممە، ئاسمان لە نیمچە ھەورەوە دەگۆڕێت بۆ ھەوری تەواو، لە كاتەكانی شەودا بارانبارین لە زۆربەی ناوچەكانی ھەرێمی كوردستان دەست پێدەكات و رێژەی بارانبارین لە ناوچە شاخاوییەكان زیاتر دەبێت.
