دوو باندی دزینی ئۆتۆمبیل لە سلێمانی دەستگیركران
پۆلیس زانیاری لەبارەی باندەكان ئاشكرا دەكات
K24 - سلێمانی
پۆلیسی سلێمانی دەستگیركردنی دوو باندی راگەیاند، كە ژمارەیەك ئۆتۆمبێلیان لە شارەكە دزیووە.
لە راگەیەندراوێكدا بەڕێوەبەرایەتی پۆلیسی سلێمانی رایگەیاند: "لەدوو چالاكی جیادا مەفرەزەكانی پۆلیس دوو باندی جیاوازی دزینی ئۆتۆمبیلیان لەسلێمانی دەستگیركرد، كە باندێكیان ئۆتۆمبیلێكی جۆری تویۆتا- هایلوكس-یان دزیووە، باندەكەی دیكەشیان تاكسیەكی جۆری تویۆتا- كرولایان دزیووە".
پۆلیسی سلێمانی ئاشكاری كردووە: "باندەكە لەچوار كەس پێكهاتوون و دانیشتووی دەرەوەی شاری سلێمانین، بەڵام دزیەكەیان لەناو شاری سلێمانیدا ئەنجامداوە".
پێشتریش پۆلیسی سلێمانی دەستگیركردنی چەند باندێكی دیكەی دزینی پارە و زێڕ و كەلوپەلی ھاووڵاتیانی راگەیاندبوو.
ھ.م