شاندێكی دەسەڵاتی فڕۆکەوانی عێراق سه‌ردانی هه‌ولێر ده‌كات

K24 - هه‌ولێر:

به‌گوێره‌ی ئه‌و زانیارییانه‌ی ده‌ست كوردستان24 كه‌وتووه‌، بڕیاره‌ ئەمرۆ شاندێكی حكوومه‌تی عێراق, سه‌ردانی هه‌رێمی كوردستان بكه‌ن به‌مه‌به‌ستی دوا رێكارییه‌كان بۆ گه‌یشتن به‌ رێككه‌وتن له‌گه‌ڵ هه‌رێمی كوردستان و چاره‌سه‌ركردنی كێشه‌كان.

سه‌ردانیكردنی ئه‌م شانده‌ی به‌غدا له‌كاتێكدایه‌ كه‌ چه‌ند رۆژێك له‌مه‌وپێش حه‌یده‌ر عه‌بادی سه‌رۆك وه‌زیرانی عێراق رایگه‌یاند كه‌ پێش جه‌ژنی نه‌ورۆز مووچه‌ی فه‌رمانبه‌رانی هه‌ردوو وه‌زاره‌تی په‌روه‌رده‌ و ته‌ندروستی هه‌رێمی كوردستان ره‌وانه‌ ده‌كات و هاوكات فڕۆكه‌خانه‌كانی هه‌رێمی كوردستانیش ده‌كاته‌وه‌.

وێڕای به‌رده‌وامی هاموشۆی شانده‌كان له‌ نێوان هه‌ولێر و به‌غدا، به‌ڵام تا ئێستا له‌سه‌ر ئه‌رزی واقیع هیچ پێشكه‌وتنێك به‌ دینه‌كراوه‌ و جگه‌ له‌ به‌ڵێنی دوای كۆبوونه‌وه‌كان، پێشكه‌وتنێكی ئه‌وتۆ رووی نه‌داوه‌.

گه‌شته‌ نێوده‌وڵه‌تییه‌كانی فڕۆكه‌خانه‌كانی هه‌رێمی كوردستان له‌ 29ی ئه‌یلوول/ سێپتێمبه‌ری 2017 به‌ بڕیاری حه‌یده‌ر عه‌بادی، سه‌رۆك وه‌زیرانی عێراق راگیرا بۆ ماوه‌ی سێ مانگ و دواتریش دووجاری دیكه‌ بڕیاره‌كه‌ درێژ كرایه‌وه‌.

ا. م