كەشناسی باری كەشوھەوای راگەیاند

K24 - ھەولێر

بە گوێرەی پێشبینیەكانی كەشناسی، بارانبارین لە ناوچەكانی باشووری كوردستان بەردەوام دەبێت.

بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی كەشوھەوای بۆ ئەمڕۆ و سبەی راگەیاند و بەپێی پێشبینیەكان، ئەمڕۆ ئاسمانی شارەكانی كوردستان لەنێوان ھەور و نیمچە ھەوردەبێت و لە ناوچە شاخاوییەكان ئەگەری بارانبارین ھەیە.

كەشناسی لەبارەی كەشوھەوای سبەی رایدەگەیەنێت، سبەی ئاسمانی ھەرێمی كوردستان ناجێگیردەبێت و لەنێوان ھەوری تەواو و نیمچە ھەوردا دەبێت، لە ھەندێك كاتدا باران دەبێت و ھەورە تریشقەی لەگەڵ دەبێت.