زێدان ماڵئاوايى كرد

زینه‌دین زیدان راهێنه‌ری فره‌نسی له‌ كۆنگره‌یه‌كی رۆژنامه‌وانی به‌ فه‌رمی وازهێنانی له‌ یانه‌ی ریال مه‌درید راگه‌یاند.

زینه‌دین زیدان دوای ئه‌وه‌ی بووه‌ یه‌كه‌مین راهێنه‌ر له‌ مێژوودا كه‌ بتوانێت 3 چامپیۆنزلیگی له‌سه‌ریه‌ك ببات، بڕیاری وازهێنانی له‌ ریال مه‌درید دا.

زینه‌دین زیدان وه‌ك یاریزان 227 یاری بۆ ریال مه‌درید كردووه‌ و 49 گۆڵ و 56 ئاسیستی بۆ شایانه‌كان كردووه‌ و هه‌ر له‌و یانه‌یه‌ش وازهێنانی له‌ یاریكردن راگه‌یاند، دواتر له‌ 2016 له‌ شوێنی رافایل بینیتێز به‌ راهێنه‌ری ریال مه‌درید ده‌ستنیشان كرا و 3 ناسناوی چامپیۆنزلیگ لالیگا و جامی سووپه‌ری ئه‌ورووپا و جامی سووپه‌ری ئیسپانیای بۆ ریال مه‌درید برده‌وه‌.