لهسهر پشتگیریی ئازادییە ئایینییەکان ستایشی كورد دهكرێت
سام براون باک: جگه لە هەرێمی کوردستان لە زۆربەی هەرێمەکان کەمینە جیاوازە ئاینیەکان دووچاری تووندوتیژی و گێچەڵ دەبنەوە
K24 - ههولێر:
سام براون باک، باڵیۆزی ئەمریکا بۆ ئازادی ئایینی نێودەوڵەتی و سەرۆکی نووسینگەی ئازادی ئایینی وەزارەتی دەرەوەی ئەمریکا، لە ڕاپۆرتی ساڵانەی خۆیدا ستایشی هەرێمی کوردستان دەکات بۆ بەدیهێنانی ئازادییە ئاینیەکان.
دوای شیکردنەوەی راپۆرتەکەی، ئەو بەرپرسەی ئەمریکا تایبەت بە کوردستان 24 دوا و رایگەیاند: " کوردەکان باشبوون بهرامبهر بیروباوەڕی ئایینی کەمایەتییەکان و پشتگیریی بنەما و ئازادییە ئاینیەکانیان کردووە."
گووتیشی:"هەرێمی کوردستان لەسەر بنەمای تاکە ئاینێک دروست نەکراوە بەڵکو بنەمای هەمەچەشنی و ناوچەیی لەخۆدەگرێ".
لە راپۆرتەکەی وەزارەتی دەرەوەی ئەمریکاش بەم جۆرە باس لە هەرێمی کوردستان کراوە: "جیا لە هەرێمی کوردستانی عێراق، لە زۆربەی هەرێمەکان کەمینە جیاوازە ئاینیەکان، بەردەوام دووچاری تووندوتیژی و گێچەڵ دەبنەوە لە لایەن زۆرینەوە".
سام براون باک پێیوایه، کوردستان بەهۆی ئازادی ئاینی توانیویەتی ئابووری باشی هەبێت و خۆشی دووربگرێت لە هەڕەشەی تیرۆرستی".