نهتانیاهو له رێگهی ههڵبژاردهی ئێرانهوه خۆپیشاندهران هاندهدات
"ئازایەتی ئێوە لە خۆپیشاندەرانی ئێراندا دەبینم"
K24 - ههولێر:
بێنیامین نەتەنیاهو، سەرۆک وەزیرانی ئیسرائیل، لە هەژماری تایبەتی خۆی لە تۆڕی کۆمەڵایەتی تویتەر، پەیامێک ئاراستەی هەڵبژاردەی ئێران و خۆپیشاندەرانی تاران دەکات، تیایدا هێرشدەکاتە سەر سیاسەتی ئێران لە ناوچەکەدا.
- دەتوانی وێنای بکەیت راگرتنی رۆناڵدۆ لە تۆمارکردنی گۆڵ چەند سەختە؟
- من کاتی خۆی یاری تۆپی پێم دەکرد.
- با من پێتان بڵێم، ئەوە زۆر ئەستەمە.
- بەڵام هەڵبژاردەی ئێران ئەوەیان کرد کە زۆر ئەستەمە.
- من بە خەڵکی ئێران دەڵێم: ئێوە بوێریتان نیشاندا لەنێو یاریگا، ئەمڕۆش لە شەقامەکانی ئێران هەمان بوێریتان نیشاندا.
- ئێران کێشەگەلێکی هەن، پیسی ژینگە، کەمی ئاو و بەفیرۆدانی ملیارەها دراو بۆ کاری تیرۆر.
- دەتوانی وێنای بکەیت کە چی روودەدات ئەگەر حکوومەتی ئێران، لە جیاتی بە فیرۆدانی پارە لە سووریا، یەمەن و جەنگە بێ سوودەکانی رۆژهەڵاتی ناوەڕاست، ئەو پارەیە لە کێشەکانی خەرج بکات؟
- چارەسەری هەموو ئەم کێشانە، خەڵکی ئێرانن.
- بۆیە من، دوای ئەردهەژێنەکە، یارمەتی پزیشکیم پێشکەش بە خەڵکی ئێران کرد.
- هەر بۆیەش من گروپێکی تێلیگرامم بە زمانی فارسی بۆ جووتیارەکانی ئێران لە بارەی پاراستنی ئاو کردەوە.
- من هەرگیز ناوەستم لە هاندانی خەڵکی ئێران بۆ بەدەستهێنانی ئاشتی.
- هیوادرم رۆژێک هەڵبژاردەی ئێران لە ئێرانێکی ئازادا بەرامبەر بە هەڵبژاردەی ئیسرائیل یاری بکات.
- لەو رۆژەدا، ئێمە هەموومان براوە دەبین.
Could you stop Ronaldo from scoring a goal?! pic.twitter.com/2M4m4GRsIv
— Benjamin Netanyahu (@netanyahu) ٢٧ يونيو ٢٠١٨