بومه‌له‌رزه‌ رۆژئاوای توركیای هه‌ژاند

K24- هه‌ولێر:

ئه‌مڕۆ بومه‌له‌رزه‌یه‌ك به‌ گوڕی 4.5 پله‌ به‌گوێره‌ی پێوه‌ری رێخته‌ر ده‌ریای ئیجه‌ی رۆژئاوای توركیای هه‌ژاند.

به‌گوێره‌ی به‌یاننامه‌یه‌كی سه‌رۆكایه‌تی ئیداره‌ی كاره‌سات و فریاگوزاری توركیا، بومه‌له‌رزه‌كه‌ له‌ كاتژمێر 11:17 خوله‌كی پێشنیوه‌ڕۆ به‌كاتی ئیسته‌نبوڵ روویدا.

وه‌ك به‌یاننامه‌كه‌ ئاماژه‌ی پێكرد، چه‌قی بومه‌له‌رزه‌كه‌ ده‌كه‌وێته‌ دووری 24.68 كیلۆمه‌تر له‌ دوورگه‌ی "قوش ئاداسی" و له‌ قووڵایی 6.8 كیلۆمه‌تر له‌ ئاستی رووی زه‌وی بووه‌، تائێستاش هیچ زانیاریه‌یك له‌باره‌ی زیانه‌كانی ئه‌و بومه‌له‌رزه‌یه‌ رانه‌گه‌یه‌ندراوه‌.

H.B