ئاسانترین و بە چێژترین شێوازی ئامادەکردنی برۆکلی

K24- هه‌ولێر:

برۆکلی یەکێکە لە سەوزە زۆر بە سوودەکان، بەڵام رەنگە بۆ هەندێک کەس تام و چێژی هێندە دڵگیرنەبێت تا بتوانێت لانی کەم هەفتەی دووجار بیخوات.

 باشترین شێوەی ئامادەکردن و خۆشکردنی برۆکلی بزانە، لەگەڵ تەواوی ئەو کەرەستانەی پێویستە بەكاریان بھێنی.

ئەو شتانەی پێویستت دەبن:

برۆکلی(تەنها بەشی سەرەوەی)

یەک کەوچک رۆنی زەیتون

یەک چارەگە کەوچک خوێ

یەک چارەگە کەوچک هاڕاوەی بیبەری سوور

یەک چارەگە کەوچک هاڕاوەی بیبەری رەش

چۆنییەتی ئامادەکردن:

برۆکلییەکە لەگەڵ رۆنی زەیتوون، خوێ، بیبەرە سوور و رەشەکە بە دەست جوان تێکەڵ بکە. پاشان، پلەی گەرمی فڕنەکە بۆ 215 پلەی سیلیزی زیادبکە و برۆکلیەکەی تێبکە. ماوەی 15 خولەک با برۆکلییەکە لەناو فڕنەکە بمێنێتەوە.

لە دوای هێنانە دەرەوەی برۆکلییەکە، دەتوانیت بۆ زیادکردنی تام و چێژی زیادتر، بە ئارەزووی خۆت ئاوی لیمۆ، پەنیری پارمیزان، حومس، یان سۆس لەگەل برۆکلییەکە تێکەڵ بکەیت.

H.J