وهزیری دهرهوهی ئهمهریكا پهیوهندییهكى تهلهفۆنى به نێچیرڤان بارزانییهوه دهكات
ههنگاوهكانی پێكهێنانی كابینهی نوێی حكوومهتی عێراقیان تاوتوێ كرد
K24 – ههولێر:
نێچیرڤان بارزانی سهرۆك وهزیرانی ههرێمی كوردستان، پهیوهندییهكی تهلهفۆنی له مایكل پۆمپیۆ، وهزیری دهرهوهی ئهمهریكاوه پێگهیشت.
سايتى حكومهتى ههرێم بڵاويكردووهتهوه، له پهیوهندییه تهلهفۆنییهكهدا ههردوولا دوا پێشهات و سهركهوتنهكانی هێزهكانی سوپای عێراق و پێشمهرگهیان له دژی چهكدارانی داعش له ناوچهكه و ههنگاوهكانی پێكهێنانی كابینهی نوێی حكوومهتی عێراقیان تاوتوێ كرد.
ههروهها هاتووه: له بهشێكی دیكهی پهیوهندییه تهلهفۆنییهكهدا، باسیان له داواكارییهكانی هاووڵاتیانی عێراق كرد كه له خۆپیشاندانهكانى ئهم دواییهدا خرانه ڕوو. لهمبارهیهوه ههردوولا جهختیان لهسهر لهسهر جێبهجێكردنی داواكارییهكان و فهراههمكردنی ژیانێكی باشتر بۆ هاووڵاتیانی عێراق، كردهوه.
سايتى حكومهتى ههرێم ئاماژهشى بۆ ئهوه كردووه، پاراستنی قوربانیانی دهستی تیرۆر و ئهوانهی له دهستی داعش رزگاركراون، بهتایبهتی ئێزدی و كرستیانهكان، لایهنێكی دیكهی پهیوهندییه تهلهفۆنییهكهی نێوان سهرۆك وهزیرانی ههرێمی كوردستان و وهزیری دهرهوهی ئهمهریكا بوو.