شاره‌زایێكی یاسایی: به‌بێ كورد پرۆسه‌ی سیاسی عێراق به‌ڕێوه‌ ناچێت

K24- هه‌ولێر:

پسپۆڕێكی یاسایی عێراقی ده‌ڵێت: به‌بێ پێكهاته‌ی كورد و به‌ تایبه‌تیش ژماره‌ی كورسییه‌كانی پارتی دیموكراتی كوردستان پرۆسه‌ی سیاسی عێراق به‌ڕێوه‌ناچێت.

له‌ لێدوانێكی تایبه‌تدا بۆ كوردستان 24، تاریق حه‌رب دووپاتیده‌كاته‌وه‌: جموجۆڵی لایه‌نه‌ سیاسییه‌كان بۆ دروستكردنی هاوپه‌یمانێتی ده‌ستیانپێكردووه، بۆ ئه‌و مه‌به‌سته‌ش پێویسته‌ دوای جه‌ژن یه‌كه‌م دانیشتنی ئه‌نجوومه‌نی نوێنه‌رانی عێراق ئه‌نجام بدرێت.

ئه‌و پسپۆڕه‌ یاساییه‌ ده‌شڵێت: پێویسته‌ كورد شاندێك ره‌وانه‌ی به‌غدا بكات، بۆ ئه‌وه‌ی گه‌ره‌نتی ماف و شه‌راكه‌ت بكات. 

H.B