به‌ وێنه‌.. خۆپیشانده‌ران ئه‌نجوومه‌نی پارێزگای به‌سره‌یان سووتاند

K24 - هه‌ولێر:

خۆپیشانده‌رانی پارێزگای به‌سره‌ی باشووری عێراق، هه‌ڵیانكوتایه‌ سه‌ر باڵه‌خانه‌ی ئه‌نجوومه‌نی پارێزگا و سووتاندیان.

په‌یامنێری كوردستان 24 له‌ به‌سره‌ رایگه‌یاند، تا ئێستاش ده‌یان هاووڵاتی ناڕازی شاره‌كه‌ له‌ به‌رده‌م باڵه‌خانه‌كه‌ ماون و ئاگریان له‌ناو باڵه‌خانه‌ی ئه‌نجوومه‌نی پارێزگای به‌سره‌ به‌رداوه‌.

به‌هۆی كه‌می كاره‌با و نه‌بوونی ئاوی پاكی خواردنه‌وه‌، خۆپیشاندانه‌كانی پارێزگای به‌سره‌ ده‌ستیپێكردووه‌ته‌وه‌، به‌هۆی خواردنه‌وه‌ی ئاوی پیس، رۆژانه‌ نزیكه‌ی 400 كه‌س ژه‌هراوی ده‌بن و ره‌وانه‌ی نه‌خۆشخانه‌ ده‌كرێن.

خۆپیشاندانه‌كه‌ی ئه‌مڕۆی به‌سره‌، دوای نوێژی هه‌ینی ده‌ستیپێكرد و هاووڵاتییان داوای خزمه‌تگوزارییه‌ سه‌ره‌تاییه‌كانی وه‌كو ئاوی خواردنه‌وه‌ و كاره‌بای نیشتمانی ده‌كه‌ن.

ا. م